Skandali tek Onkologjiku / Gjykata heq arrestin për Edmond Gashin: Liri me 20 milionë lekë. Spak kundër: do ankimojmë, VENDIMI

Gjykata e Posaçme ka lehtësuar masën e sigurisë “arrest shtëpie” për mjekun Edmond Gashi, duke e liruar kundrejt garancisë 20 milionë lekë, teksa i është bllokuar pasaporta, për të mos u larguar jashtë vendit.

Masa ndaj tij u zëvëndësua me “detyrim paraqitjeje”.

Mjeku akuzohet se drejtonte pacientët me kancer nga spital shtetëror QSUT tek klinika e tij private “Megis”. Nën hetim dhe akuzë me masa të ndryshme janë edhe 7 mjekë dhe një biznesmen.

Vendimi GJKKO

REPUBLIKA E SHQIPËRISË
GJYKATA E POSAÇME E SHKALLËS SË PARË
PËR KORRUPSIONIN DHE KRIMIN E ORGANIZUAR
NJOFTIM PËR MEDIAT

1. Kërkuesi Edmond Gashi me datë 04.11.2024 ka paraqitur pranë Gjykatës kërkesën
   me objekt: “Zëvendësimin e masës së sigurimit nga “arrest në shtëpi”, parashikuar nga
   neni 237 i K.Pr.Penale, në një masë më të lehtë siç është ajo e “detyrimit për t’u paraqitur
   në policinë gjyqësore” ose “garancia pasurore” të parashikuara nga nenet 234 e 236 të
   K.Pr.Penale”.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
   Krimin e Organizuar me trup gjykues të përbërë nga gjyqtari Ardit Mustafaj, bazuar në
   nenet 228 e vijues, 233, 236 dhe 260, pikat 2 dhe 4 të K.Pr.Penale, me vendimin Nr. 627,
   datë 08.11.2024, vendosi:
3. Zëvendësimin e masës së sigurimit personal “arrest në shtëpi”, të caktuar ndaj
   personit nën hetim Edmond Gashi me vendimin nr. 84 regj.them., datë 24.07.2024,
   të kësaj gjykate, me masën e sigurimit personal “garancia pasurore” të parashikuar
   nga neni 236 i K.Pr.Penale, duke urdhëruar depozitimin e garancisë pasurore në
   shumën **** lekë brenda 10 ditëve nga shpallja e këtij vendimi.
4. Caktimin ndaj personit nën hetim Edmond Gashi të masës së sigurimit personal
   “ndalim i daljes jashtë shtetit” të parashikuar nga neni 233 i K.Pr.Penale.
    Personit nën hetim Edmond Gashi i ndalohet përdorimi i pasaportës dhe
   dokumenteve të tjera identifikuese të vlefshme për daljen jashtë shtetit, duke
   marrë prokurori masa për bllokimin e këtyre dokumenteve personit nën hetim.
5. Personi nën hetim Edmond Gashi do të vijojë të qëndrojë në masën e sigurimit
   “arrest në shtëpi” deri në depozitimin e garancisë pasurore.
6. Për depozitimin e garancisë pasurore të njoftohet prokurori, i cili të zbatojë
   parashikimet e nenit 236, pika 5, të K.Pr.Penale.
7. Kundër vendimit lejohet ankim në Gjykatën e Posaçme të Apelit për Korrupsionin
   dhe Krimin e Organizuar, brenda 5 ditëve nga njoftimi i vendimit.
   Tiranë, më datë 08.11.2024
   Gjykata e Posaçme e Shkallës së Parë për Korrupsionin dhe Krimin e Organizuar