Agjencia prestigjoze ndërkombëtare e vlerësimit të kompanive dhe borxheve, Fitch Ratings, ka konfirmuar se iute Group vazhdon të ketë një gjendje të mirë financiare. Vlerësimi i dhënë është B- me perspektivë të qëndrueshme, që do të thotë se kompania është e qëndrueshme dhe po i përmbush mirë detyrimet financiare.
Ky vlerësim nuk është vetëm për aktivitetin e përgjithshëm të iute Group, por edhe për obligacionet (pra, dokumentet që kompania shet për të mbledhur fonde nga investitorët). Fitch e ka dhënë të njëjtin vlerësim edhe për obligacionet e reja, të cilat iute i ka lëshuar këtë vit.
Fitch, një nga agjencitë më të rëndësishme në botë për vlerësime të tilla, theksoi se iute Group ka një pozicion të fortë në treg në Evropën Juglindore, me fitime të qëndrueshme dhe kujdeset mirë për të menaxhuar rreziqet në mënyrë profesionale.
Përfaqësues të iute Group thanë se ky vlerësim është një lajm shumë i mirë, sepse tregon që kompania po ecën në drejtimin e duhur dhe po ruan besimin e investitorëve.
