WebLajm.com zbardh ekskluzivisht vendimin gjyqësor që solli reagimin kritik të kryeministrit Edi Rama ndaj magjistratëve.
Ka mjaftuar një flet formati A4 me disa rreshta, ku gjyqtari të pranojë sigurimin e padisë duke bllokuar më 28 gusht ndërhyrjen e IMT ndaj një objekti të renditur për prishje.
IMT kishte njoftuar subjektin më 15 gusht për lirim dhe prishje vullnetare, por kjo ska ndodhur.
Më 28 gusht objekti i ndodhur vetëm 10 m larg në vijë ajërore nga godina e IMT-së do prishej dhe IMT me forcat e saj, ndërhynë në fasadën e jashtme por u bllokuan nga gjykata.
Sipas gjyqtarit Toshi çdo veprim duhet të bllokohet deri sa çështja të zgjidhet në themel të saj.
GJYKATA ADMINISTRATIVE E SHKALLËS SË PARË TIRANË
Dispozitiv
Nr. i Çështjes: 300004-07084-80-2025
Data e Gjyqit: 28/08/2025
Numri i Vendimit:
Data e Mbarimit:
GJYQTAR:
Ligoraq Toshi
Palët:
Kërkues: Pullumb Dervishi, i biri i Ahmet dhe i Tushe, i datëlindjes 16/01/1970
Tipi i Dispozitivit: Pranim Kërkese
Përshkrimi:
- Pranimin e kërkesës për marrjen e masës për sigurimin e padisë, duke pezulluar çdo veprim në ekzekutim të vendimit nr. 3660, datë 15.8.2025 të Inspektoratit të Mbrojtjes së Territorit, Bashkia Tiranë, deri në përfundimin e shqyrtimit në themel të çështjes.
- Një kopje e dispozitivit të këtij vendimi t’u komunikohet menjëherë palëve.
- Ndaj këtij vendimi lejohet ankim nga palët ndërgjyqëse në Gjykatën Administrative të Apelit, Tiranë, brenda 5 ditëve, nga e nesërmja e njoftimit të këtij vendimi.
U shpall në Tiranë, më datë 28.8.2025.
GJYQTAR
Ligoraq Toshi
Ky vendim solli një përplasje në distancë mes Ramës dhe KLGJ-së, teksa kryeministri në të disatin reagim i tha qeverisë së gjyqësorit se gjykatësit sjanë Maliqër.
Pas Thethit me prokuren ky është i disati qëndrim publik i qeverisë kundra vendimeve të.gjyqësorit, vendime që kanë penguar prishjen e objekteve që qeveria i cilëson abuzive dhe të paligjshme.
Comments 1