U konsiderua si institucion financiar joetik dhe në shkelje ligjore pas hetimeve të nisura për skandalin e mikrokredive, MCA rikërkon marrjen e së drejtës për të vijuar aktivitetin. Me një padi të zotërueses së 100% të aksioneve, pronarja Elda Ibro, MCA kërkon që të shfuqizohet vendimi i Guvernatorit të Shqipërisë që i revokoi licencën pas pezullimit 1-vjeçar. Aktualisht Ibro ndodhet në masën e sigurisë arrest në shtëpi, ndërsa dosja e mikrokredive është në fazë gjykimi pranë gjykatës së posaçme.
MCA rikërkon licencën pas vendimit të Bankës së Shqipërisë. Sipas padisë së siguruar nga weblajm.com thuhet:
“Shfuqizimi i vendimit nr. 2819, datë 27.06.2024 të Bankës së Shqipërisë, për refuzimin e ankimit dhe lënien në fuqi të vendimit nr. 2302, datë 23.05.2024 “Për revokimin e licencës së subjektit financiar jobankë ‘Micro Credit Albania’ sh.p.k.”, komunikuar më 10.07.2024. Shfuqizimin e vendimit fillestar me nr. 2302, datë 23.05.2024 “Për revokimin e licencës së subjektit financiar jobankë ‘Micro Credit Albania’ sh.p.k.”
Paditës: Shoqëria “Micro Credit Albania” sh.p.k.
- Paditës: Elda Ibro
- I paditur: Banka e Shqipërisë
Çfarë ndodhi më 23 maj 2024?
Ishte Banka e Shqipërisë e cila njoftoi:
“Nëpërmjet këtij njoftimi, ju bëjmë me dije se Banka e Shqipërisë, sot, më datë 23.5.2024, ka marrë vendim për revokimin e licencave të dy subjekteve financiare jobanka, përkatësisht licencën nr. 11, datë 20.2.2009 të shoqërisë ‘Final’ sh.p.k. dhe licencën nr. 38, datë 9.5.2016 të shoqërisë ‘Micro Credit Albania’ sh.p.k., tashmë e pezulluar me vendimin nr. 644, datë 6.2.2024.”
Vendimmarrja e Bankës së Shqipërisë bazohet në dispozitat ligjore dhe rregullative në fuqi që rregullojnë veprimtarinë e subjekteve financiare jobanka, të cilat parashikojnë, ndër të tjera, rastet e revokimeve të licencave kur subjektet e licencuara nuk vazhdojnë të plotësojnë më kushtet në bazë të të cilave janë licencuar.
Në rastet e sipërcituara, për ortakët e të dy shoqërive që u është revokuar licenca, me kërkesën e Prokurorisë është vendosur masa e arrestit nga Gjykata e Shkallës së Parë, Tiranë, dhe jemi në kushtet kur ata nuk plotësojnë më kriterin e reputacionit të lartë etik, i cili ndër të tjera konsideron që individi të mos jetë në ndjekje penale, në gjykim për vepra penale dhe i dënuar penalisht.
MCA është tashmë një subjekt në hetim nga SPAK dhe si objekt të saj tregtar ka: Ushtrimin e veprimtarise se kredidhenies ne te gjitha format e saj dhe veprimtarine per te ofruar sherbimet keshilluese, ndermjetese dhe sherbime te tjera ndihmese per veprimtarine e kredidhenies si subjekt financiar jobanke sipas legjistlacionit dhe rregulloreve te Bankes se Shqiperise si Institucionit Financiar Kredidhenes . Shoqeria mund te lidhe, menaxhoje ose negocioje cdo marrveshje tjeter lidhur me garantimin e kredive ose mund te kryeje cdo lloj veprimtarie tjeter qe eshte ne perputhje me legjislacionin shqiptar dhe qe siguron fitime dhe te ardhura te ligjshme brenda kufijve te parashikuar nga legjislacioni ne fuqi, qe lidhet drejtperdrejte ose terthorazi me objektin e saj. Shoqeria, me vendim te administratorit, dhe pas miratimit paraprak te asamblese se pergjithshme, mund te lidhe marreveshje tregtare apo bashkepunimi me shoqeri apo sipermarrje te tjera, si dhe te kiyeje cdo veprim tregtar qe konsiderohet i nevojshem me qellim arritjen e objektit te veprimtarise se saj.
