Gjykata lë në fuqi masat ndaj kreut të Prokurimeve Publike, Myzyri në gjyq / PAMJET

Gjykata e Posaçme lë në fuqi masat e sigurisë dhënë në mungesë ndaj kreut të KPP Jonaid Myzyri. Ai dyshohet pë favorizm me tendera dhe shpërdorim detyre me tenderin e mirëmbajties në aksin Shpal – Rrëshen.

REPUBLIKA E SHQIPËRISË
GJYKATA E POSAÇME E SHKALLËS SË PARË
PËR KORRUPSIONIN DHE KRIMIN E ORGANIZUAR
NJOFTIM PËR MEDIAT

1. Kërkuesi Prokuroria e Posaçme Kundër Korrupsionit dhe Krimit të Organizuar
   me datë 02.07.2025 ka paraqitur pranë Gjykatës kërkesën me objekt: “Marrjen në pyetje
   dhe verifikimin e kushteve të zbatimit të masës së sigurimit personal me karakter ndalues
   “Pezullimi i ushtrimit të një detyre a shërbimi publik”, parashikuar nga neni 242 i Kodit
   të Procedurës Penale, si dhe të masës së sigurimit personal me karakter shtrëngues
   “Detyrimi për t’u paraqitur në policinë gjyqësore”, parashikuar nga neni 234 i Kodit të
   Procedurës Penale”, caktuar ndaj personit nën hetim Jonaid Myzyri”.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
   Krimin e Organizuar me trup gjykues të përbërë nga gjyqtarja Etleva Deda, bazuar në
   nenet 103, 112, 228, 229, 230, 232, 234, 242, 244, 246, 248 e 260, me vendimin Nr. 67,
   datë 04.07.2025, vendosi:
3. Vazhdimin e zbatimit të masës së sigurimit personal me karakter ndalues
   “Pezullimi i ushtrimit të një detyre a shërbimi publik”, parashikuar nga neni 242
   i Kodit të Procedurës Penale, si dhe të masës së sigurimit personal me karakter
   shtrëngues “Detyrimi për t’u paraqitur në policinë gjyqësore”, parashikuar nga
   neni 234 i Kodit të Procedurës Penale, ndaj shtetasit Jonaid Myzyri, i dyshuar
   për kryerjen e veprës penale “Shkelja e barazisë së pjesëmarrësve në tendera apo
   ankande publike”, kryer në bashkëpunim, parashikuar nga nenet 258 e 25 të Kodit
   Penal.
4. Urdhërohet personi nën hetim Jonaid Myzyri, që të paraqitet para oficerit të
   policisë gjyqësore, të hënën e parë të çdo muaji, ora 12:00.
5. Urdhërohet Prokuroria e Posaçme Kundër Korrupsionit dhe Krimit të Organizuar
   për ekzekutimin e këtij vendimi.
6. Ndalohet publikimi i këtij vendimi, në referim të nenit 103 të Kodit të Procedurës
   Penale.
7. Kundër këtij vendimi lejohet e drejta e ankimit, brenda afatit ligjor, në Gjykatën
   e Posaçme të Apelit për Korrupsionin dhe Krimin e Organizuar, Tiranë.
   Tiranë, më datë 04.07.2025
   Gjykata e Posaçme e Shkallës së Parë për Korrupsionin dhe Krimin e Organizuar

Lexo më shumë